Lohan dæmd fyrir skartgripaþjófnað

Lindsay Lohan hefur verið dæmd í 120 daga fangelsi fyrir að rjúfa skilorð sem hún var dæmd til að sæta árið 2007. Hún var fundin sek um að hafa stolið hálsmeni úr skartgripabúð í janúar. Til viðbótar við fangelsisdóminn, sem er sá fjórði sem hún fær, var Lohan dæmd  til að gegna samfélagsþjónustu í 480 klukkustundir.

Lögmenn Lohan sögðu að dómnum yrði áfrýjað eftir að hann var kveðinn upp í gær og hún var látin laus gegn 75 þúsund dala tryggingu, eftir því sem fram kemur á fréttavef BBC. Tryggingagjaldið jafngildir um 8,5 milljónum íslenskra króna.