Sungið fyrir heimilislausa og svanga Íslendinga (já þú last rétt)

Tónleikar til styrktar Kaffistofu Samhjálpar, sem gefur svöngum Íslendingum mat, voru haldnir í Háskólabíó í gærkvöldi.

Það var áberandi góð stemning á meðal listamannanna baksviðs, á sviðinu og á meðal áhorfenda út í sal eins og myndirnar sýna en allir voru staðráðnir í að legga sitt af mörkum til hjálpar heimilislausum sem leita í miklum mæli til Kaffistofu Samhjálpar.

Ellen Kristjáns og Pétur Hallgríms, Hjálmar, Sniglabandið, Fjallabræður, Ferlegheit, Svavar Knútur, Siggi Kafteinn, Blússveit Þollýar, KK og UNG komu fram.

Þrátt fyrir að Reykjavíkurborg styðji Samhjálp í húsaleigumálum og birgjar séu örlátir þá vantar fjármagn og þess vegna var ákveðið að efna til tónleikanna sem voru vel sóttir.

Samsala.is (styrkarfélag Samhjálpar).

Ellen Kristjáns söng eins og engill (myndband af tónleikunum).