Miðarnir á Mið-Ísland rjúka út

Vinsældir grínhópsins Mið-Ísland aukast mikið þessa dagana. Hópurinn stendur fyrir uppistandskvöldi í Þjóðleikhúskjallaranum í kvöld og ruku miðarnir bókstaflega út og kláruðust. Annarri skemmtun hefur því verið bætt við á morgun.

Hópinn Mið-Ísland skipa Ari Eldjárn, Bergur Ebbi Benediktsson, Halldór Halldórsson og Jóhann Alfreð Kristinsson. Þeir koma allir fram með brakandi ferskt efni í kvöld og á morgun. Björn Bragi Arnarsson verður kynnir og Sólmundur Hólm sérstakur gestur. Sólmundur býr yfir ótrúlegum eftirhermuhæfileikum og má því búast við ýmsum leynigestum í hans boði.

Í myndbandinu hér fyrir ofan gefur að líta forsmekk að kvöldinu, uppistand Ara Eldjárns á Edduhátíðinni á dögunum. Einnig er hægt að sjá atriði Jóhanns Alfreðs úr Loga í beinni á Vísir Sjónvarp.

Hægt er að nálgast miða á skemmtunina á morgun á miða.is.