Í sjónvarpsviðtölum í Tyrklandi

,,Við höfum verið að vinna að því að undirbúa okkur sjálf og ilmvötnin til að geta byrjað formlega að kynna þau erlendis og hefja sölu á þeim. Ég taldi það henta vel að byrja í Tyrklandi þar sem við höfum einnig hafið framleiðslu á fylgihlutalínunum okkar hér og erum við núna með í framleiðslu næstu fylgihlutalínu Gyðju og einnig fylgihlutalínuna Meyja by Gyðja sem er lína á mjög góðum verðum sem við erum að gera sérstaklega fyrir verslanir Hagkaupa," segir Sigrún Lilja sem hóf formlega kynningu á erlendri grundu á íslenska ilmvatninu Efj Eyjafjallajökull by Gyðja og VJK Vatnajökull í Tyrklandi fyrir stuttu.

Tyrkland hefur sýnt íslenska hönnuðinum, ilmvötunum og fylgihlutunum mjög góð og mikil viðbrögð en Sigrún hafði varla undan að svara kalli fjölmiðla þar í landi. Hún mætti í fimm sjónvarpsþætti í Tyrklandi á stöðvunum Sky TV, Ege TV, Show TV og Yeniasir TV.

Fjallað hefur verið um Sigrúnu og ilmvötn Gyðju m.a. í búlgörsku útgáfunni af tímaritinu Cosmopolitan, á sjónvarpsstöðinni BBC, Luxe Magazine í Rússlandi, og í lífstílsblöðum um heim allan.

Hér má einnig sjá Sigrúnu í viðtali hjá Yeniasir TV hjá Cay Saati.

Hér má sjá hana í viðtal hjá Sky hjá Gune Bakis ásamt túlki. Ýmsar fallegar myndir eru sýndar af íslenskri náttúru á meðan á viðtalinu stendur.