Hilton leitar að heimili og fer í bað

Paris Hilton hefur eytt páskunum í það að leita sér að nýju heimili. Stjarnan, sem helst er fræg fyrir að vera fræg, gerir aðdáendum sínum afar auðvelt með að fylgjast með sér því hún er voða dugleg við að uppfæra Twitter síðuna sína.

Hilton leitar sér nú að húsi í Malibu og sagði hún frá því á Twitter: „Var að koma heim. Sá fullt af flottum eignum þannig að það verður erfitt að velja hið eina rétta."

Síðar um daginn skrifaði hún: „Var úti að hlaupa. Hljóp upp og niður brattar tröppur 100 sinnum. Er svo þreytt."

Stuttu síðar kom: „Er í bubblubaði. Svooo afslappandi!"

Og þá var enn einn erfiði dagurinn að kvöldi kominn hjá stjörnunni.