Steven Gerrard í frjálsri stöðu í kvöld

Steven Gerrard fær fullt leyfi til að sækja fram á völlinn í kvöld þegar England mætir Alsír á HM í Suður-Afríku. Ástæðan er endurkoma Gareth Barry.

Hann fer á miðjuna með Frank Lampard og því verður Gerrard væntanlega á vinstri kantinum.

"Það hentar mér vel að fá að sækja meira," sagði Gerrard sem skoraði fyrir England gegn Bandaríkjunum í 1-1 jafntefli. Hann fær svo fullt leyfi til að spila nánast þar sem hann vill og mun væntanlega vera mjög hreyfanlegur fram á við.

Óvíst er hvort Wayne Rooney fær Emile Heskey, sem lagði upp markið fyrir Gerrard en var annars frekar slakur, eða Jermaine Defoe með sér í framlínuna.