Chile í þægilegum málum - myndband

Chile er enn með fullt hús stiga á HM eftir 1-0 sigur á Sviss í H-riðli á heimsmeistaramótinu í knattspyrnu í Suður-Afríku.

Eina mark leiksins kom á 74. mínútu þegar að Mark Gonzalez skallaði fyrirgjöf Esteban Paredes í markið. Paredes hafði sloppið inn fyrir vörn Sviss, lék á markvörðinn og gaf svo fyrir við endalínuna. Gonzalez skallaði fyrst í jörðina, svo í slánna og inn.

Strax á 30. mínútu leiksins fékk Valon Behrami hjá Sviss að líta rauða spjaldið fyrir að hafa gefið Arturo Vidal olnbogaskot. Chile var meira með boltann eftir þetta en náði ekki að skora fyrr en seint í leiknum.

Sviss náði þó að bæta met í leiknum með því að halda marki sínu hreinu í alls 558 mínútur. Það er níu mínútum meira en gamla metið sem Ítalía átti.

Besta færi Sviss í leiknum fékk Eren Derdiyok skömmu fyrir leikslok er hann skaut framhjá úr kjörstöðu, beint fyrir framan mark Chile.

Chile fékk þó fleiri færi til að bæta við í leiknum og verður sigurinn að teljast sanngjarn.

Alls fóru tíu spjöld á loft í leiknum sem er það mesta í einum leik á HM til þessa.

Chile er nú með sex stig en Sviss með sex. Spánn og Hondúras eru í sama riðli en stigalaus eftir fyrstu umferðina og mætast í kvöld.