Jafnt hjá Ghana og Áströlum - Stutt HM hjá Kewell

Ghana og Ástralía gerðu 1-1 jafntefli á HM í dag. Ástralir léku einum færri í 65. mínútur og geta því vel við unað. Þeir komust yfir eftir aðeins ellefu mínútur en þá skoraði Brett Holman eftir mistök markmanns Ghana. Hann hélt ekki aukaspyrnu og Holman tók frákastið og skoraði. Harry Kewell fékk svo dæmda á sig vítaspyrnu og rautt spjald þegar hann fékk boltann í hendina á marklínunni. Kewell var mjög ósáttur en Gyan jafnaði úr vítinu. Þar við sat en bæði lið fengu færi til að skora áður en yfir lauk. Ghana er með fjögur stig í riðlinum og Þýskaland þrjú, Serbía hefur einnig þrjú en Ástralía eitt. Tvær síðastnefndu þjóðirnar spila í síðustu umferðinni. Þar verður Kewell því í banni vegna spjaldsins.