Reyndi að stilla til friðar og fékk rautt - myndband

Landsliðsfyrirliði Alsír, Anthar Yahia, fékk heldur ósanngjarna meðferð hjá Belganum Franck De Bleeckere, dómara leiks liðsins gegn Bandaríkjunum á HM í dag.

Bandaríkin vann leikinn, 1-0, á marki í uppbótartíma. í blálok leiksins, þegar Alsír var í sókn, dæmdi De Bleeckere brot á leikmann Alsír, leikmönnum liðsins til mikillar gremju.

Þrír Alsíringar hópuðust að dómaranum og létu hann heyra það. Fyrirliðinn Yahia gekk á milli og reyndi að stilla til friðar. De Bleeckere virtist ekki gera sér grein fyrir því og sýndi honum gula spjaldið og þar með það rauða þar sem Yahia hafði verið áminntur fyrr í leiknum.

Eðlilega brá Yahia við þetta en stuðningsmönnum bandaríska liðsins voru ef til vill ánægðir þar sem Yahia virtist skömmu áður hafa blóðgað Clint Dempsey með olnbogaskoti. De Bleeckere tók ekki eftir því.

Brottvísun Yahia má sjá í samantekt leiksins á HM-vef Vísis, þegar um tvær og hálf mínúta er liðin af myndskeiðinu.