Tónleikar Tríó Nordica

Trío Nordica heldur tónleika hjá Kammermúsíkklúbbnum á sunnudaginn kl. 20. Tónleikarnir fara fram í Bústaðakirkju. Á efnisskrá eru píanótríó eftir Haydn, Beethoven og hið stórbrotna píanótríó eftir Tchaikovsky op. 50.

Trío Nordica var stofnað árið 1993 af þeim Auði Hafsteinsdóttur, Bryndísi Höllu Gylfadóttur og Monu Kontra. Tríóið hefur fjölda verka á verkefnaskrá sinni. Fyrir utan helstu píanótríó tónbókmenntanna er lögð áhersla á að flytja verk eftir konur, norræn píanótríó og nútímaverk.

Fram undan hjá tríóinu er fjöldi tónleika. Má þar nefna tónleikaferð til Finnlands í lok apríl auk þess sem tríóið mun leika á tónlistarhátíð í Svíþjóð í júlí.