Leikur kappa frá Wales

Mickey Rourke ætlar að leika samkynhneigða ruðningskappann Gareth Thomas frá Wales í nýrri kvikmynd um ævi hans. Rourke segir mikilvægt að saga Thomas komist út til almennings.

„Þegar ég hitti Gareth Thomas var þetta það eina sem við töluðum um,“ sagði Rourke. „Þetta er mjög mikilvægt. Við ætlum að gera mynd um náunga sem spilar ruðning og er hommi.“

Ekki er langt síðan Rourke lék fjölbragða­glímukappa í The Wrestler og hlaut fyrir það tilefningu til Óskarsverðlauna. Síðast sást hann í litlu hlutverki í testósteróntryllinum The Expendables.