Elin skildi Tiger eftir heima

Elin Nordegren, eiginkona golfarans Tiger Woods, kom nýlega í fyrsta sinn fram opinberlega eftir að upp komst um framhjáhald Woods.

Elin var viðstödd undanúrslit í tennis, þar sem áttust við hinn bandaríski Andy Roddick og hinn spænski Rafael Nadal á Sony Ericsson mótinu í Miami. Elin sat í VIP stúkunni með eins árs gömlum syni sínum, Charlie, sem átti auðvitað í mestu erfiðleikum með að vera til friðs.

Sjónarvottur sagði í samtali við Reuters að með Elinu hefðu verið tveir lífverðir en Tiger Woods var hvergi sjáanlegur.