Þegja yfir hjónabandi

Beyoncé Knowles telur mikilvægt að einkalífi sínu sé haldið fjarri sviðsljósi fjölmiðlanna. Söngkonan giftist rapparanum Jay-Z í leynilegri athöfn árið 2008 og bæði vilja þau sem minnst tjá sig um sambandið.

„Ég og Jay höfum alltaf reynt að segja sem minnst um samband okkar. Meira að segja eftir að við giftumst breyttist ekkert hvað það varðaði. Ég held að þetta hafi komið í veg fyrir alls konar vandamál," sagði Beyoncé, sem þakkaði manni sínum þegar hún tók á móti sex Grammy-verðlaunum í síðasta mánuði.