Waltz leikur geðklofa

Austurríkismaðurinn Christoph Waltz, sem sló í gegn sem nasista­foringi í Inglourious Basterds, fer með stórt hlutverk í kvikmyndinni Water for Elephants. Þar leikur hann geðklofa dýratemjara í fjölleikahúsi, hvorki meira né minna. Með annað aðalhlutverk fer Robert Pattinson úr Twilight-myndunum.

Leikur hann náunga sem verður ástfanginn af eiginkonu Waltz, leikinni af Reese Witherspoon. Hinn áður óþekkti Waltz getur valið úr hlutverkum um þessar mundir, enda hefur hann rakað saman verðlaunum fyrir Basterds. Á meðal annarra væntanlegra mynda hans eru The Green Hornet og The Talking Cure.