Laus og liðug

Sjónvarpsstjarnan Jenny McCarthy er hætt með kærasta sínum eftir aðeins fjögura mánaða samband.

McCarthy hætti sem kunnugt er með gamanleikaranum Jim Carrey fyrr á árinu og kynnist stuttu síðar vaxtarræktakappanum Jason Toohey í Las Vegas. Að sögn heimildarmanns var það McCarthy sem ákvað að slíta sambandinu.

„Jason þoldi ekki hversu fræg hún var og alla athyglina sem hún fékk hvert sem hún fór. Þannig hún ákvað að enda þetta,“ var haft eftir heimildarmanninum, sem vill þó meina að sambandsslitin hafi verið í góðu og að McCarthy og Toohey séu enn góðir vinir.