Suðurríkin á Rosenberg

Söngkonan Kristjana Stefánsdóttir og trommarinn Hannes Friðbjarnarson höfðu lengi gengið með þá flugu í maganum að halda tónleika með góðu fólki. Hugmyndin spratt upp frá sameiginlegum áhuga á bandarískri suðurríkjatónlist. Útkoman varð hljómsveitin Nesi, Sjana og hinar kellingarnar. Í bandinu eru meðal annars Guðrún Gunnarsdóttir, Andrea Gylfadóttir og Pétur Örn Guðmundsson.

Efnisskráin er nær eingöngu bandarísk þó svo að farið sé um víðan völl, en vel flest lögin eiga það þó sameiginlegt að vera í country/bluegrass-ættinni og er mikil áhersla lögð á raddaðan söng. Hópurinn heldur tónleika í kvöld og annað kvöld á Rosenberg. Hefjast þeir kl. 21 bæði kvöldin.