Westwick illa til reika í Keflavík

Breska sjónvarpsstjarnan Ed Westwick rétt náði heim til Englands fyrir jólin eftir að hafa millilent á Íslandi með eftirminnilegum hætti. Samkvæmt slúðurdálki bandaríska blaðsins New York Post eyddi Westwick 48 klukkustundum í flughöfninni í Keflavík og virtist illa fyrirkallaður. Samkvæmt sjónarvotti í Keflavíkurflugvelli gafst Westwick loks upp og keypti sér vodkaflösku til að sötra á meðan hann beið eftir fluginu til Heathrow.

New York Post hefur reyndar ekki dagsetningarnar alveg á hreinu því samkvæmt blaðinu átti Westwick að hafa verið hér á Íslandi skömmu fyrir jól. Westwick hrellti hins vegar íslenskar stúlkur helgina fyrir jólin en margar þeirra sögðu farir sínar ekki sléttar eftir samskipti sín við Gossip Girl-leikarann, sumar sögðu hann hafa hrint sér.

Westwick söng reyndar Oasis-slagara á English Pub, nokkuð í glasi, en við miklar undirtektir viðstaddra. - fgg