Stuðningsmaður braust inn í búningsklefa enska landsliðsins

Ensku stuðningsmennirnir sem horfðu upp á markalaust jafntefli Englands og Alsír í kvöld létu sína menn heyra það í leikslok en einn þeirra gerði gott betur því honum tókst að brjótast inn í búningsklefa enska liðsins eftir leikinn.

Talsmaður enska liðsins staðfesti að manni hafi tekist að brjótast inn í klefa enska liðsins en sagði að öryggisverðir enska liðsins hafi stoppað hann og hent honum jafnharðan út. Maðurinn var síðan handtekinn af lögreglunni.

„Við tilkynntum þetta til FIFA og það er það eina sem þarf að segja um þetta," sagði Mark Whittle, talsmaður enska liðsins en hann staðfesti ennfremur að maðurinn hafi verið á eigin vegum.