Enska sambandið neitar sögusögnum um óeiningu

Það er stutt á milli gleði og reiði í boltanum, sérstakega á Englandi. Stuttu fyrir HM var Fabio Capello að skrifa undir nýjan samning við enska knattspyrnusambandið, nú er framtíð hans í lausu lofti. Ekki nóg með óánægjuna með frammistöðurnar á HM til þessa, jafntefli gegn Bandaríkjunum og Alsír, heldur verða fréttir um óanægju leikmanna æ háværari. Enska knattspyrnusambandið neitar þeim fréttum. "Ég hef ekki orðið var við nein vandamál," sagði talsmaður þess. "Ég veit ekki til þess að það sé neitt þannig í gangi." David James hefur sagt að hann "eigi enga vini" og margir vilja meina að eitthvað sé að innan herbúða liðins, það geti einfaldlega ekki spilað svona illa. Á BBC segir að Harry Redknapp sé mögulegur arftaki Capello.