Duran Duran og Rio Ferdinand taka upp Rio

Hljómsveitin Duran Duran sem gerði garðinn frægan á níunda áratugnum ætlar að taka upp óopinbert HM-lag með enska landsliðinu í fótbolta. Fyrirliðinn Rio Ferdinand mun hugsanlega syngja lagið, sem verður endurútgáfa af Rio, gömlum slagara Duran Duran.

Söngvarinn Simon LeBon og Ferdinand eru góðir vinir og hefur Duran Duran þegar hitt fyrirliðann og félaga hans í United á æfingasvæði þeirra. Enska knattspyrnusambandið ákvað að senda ekki út opinbert HM-lag fyrir keppnina í ár og er það í fyrsta sinn sem það gerist síðan 1966, en þá varð England einmitt heimsmeistari.

Hér er myndband Duran Duran við Rio. Það var tekið upp í Karabíahafi árið 1982 og er algjör klassík.