Kristján fékk Símun Samuelsen til sín í HB

Færeyski landsliðsmaðurinn Símun Samuelsen mun halda áfram að spila fyrir Kristján Guðmundsson eins og undanfarinn ár þrátt fyrir að þeir séu báðir hættir hjá Keflavík. Símun skrifaði í gær undir þriggja ára samning við HB. Þetta kemur fram á heimsíðu Havnar Bóltfelags.

Símun lék með VB Vági, GÍ Götu og VB/Sumba áður en hann kom til Keflavíkur en hann skoraði 7 mörk í 27 leikjum með VB/Sumba frá 2004-2005.

Símun lék alls 74 deildarleiki með Keflavík frá 2005 til 2009 og skoraði í þeim 18 mörk. Kristján var þjálfari Keflavíkur allan tíma hans í Keflavík.

Það má finna frétt um komu Símuns á heimasíðu HB eða með því að smella hér.

Kristján hefur einnig fengið varnarmanninn Þórð Steinar Hreiðarsson til liðs við HB frá Þrótti samkvæmt frétt á fótbolta.net auk fleiri leikmanna frá Færeyjum og ætlar sér greinilega að halda liðinu áfram á toppnum í færeysku deildinni.