Cheryl sparkar Ashley Cole

Söngkonan Cheryl Cole gaf frá sér fréttatilkynningu stuttu eftir að hún lenti í London eftir að hafa flúið heimili sitt í kjölfar frétta af framhjáhaldi eiginmanns síns, fótboltakappans Ashley Cole.

Upp komst um framhjáhald Ashley Cole í fyrsta sinn árið 2008 en Cheryl ákvað að fyrirgefa eiginmanni sínum það hliðarspor. Í síðustu viku flutti tímaritið The Sun fréttir af því að Ashley hafi verið samur við sig og átt vingott við þrjár aðrar stúlkur.

Í fréttatilkynningunni frá Cheryl segir að hún hafi ákveðið að skilja við Ashley og að hún biðji fjölmiðla um að sýna henni skilning á þessum erfiðu tímum. Ashley hafði kvöldinu áður flutt út af heimili þeirra að beiðni Cheryl.

Cheryl er í miklu uppáhaldi hjá breskum fjölmiðlum og var meðal annars valin best klædda kona ársins 2009.