Sneijder tryggði Hollendingum sigur

Hollendingar eru komnir með níu tær inn í 16-liða úrslitin á HM eftir 1-0 sigur á Japan í dag. Wesley Sneijder skoraði eina mark leiksins í frekar rólegum leik. Fyrri hálfleikur var fremur slakur að hálfu Hollendinga. Þeir voru mjög varkárir og hægir í öllum sínum aðgerðum. Þeir voru mjög mikið með boltann en sköpuðu nánast ekkert. Wesley Sneijder kom Hollendingum þó yfir í upphafi seinni hálfleiks. Robin van Persie lagði boltann út á Sneijder sem átti þrumuskot sem markmaðurinn fékk beint á sig en réði ekki við. Hann varði boltann inn og Holland komið yfir. Vörn Japana var mjög þétt með Tanaga sem sinn besta mann. Þeir bættu þó í sóknina um leið og þeir lentu undir og fengu nokkur ágæt færi. Hollendingar drógu sig strax til baka og ætluðu greinilega að verja forystuna. Það gekk vel upp, Japan komst lítt áfram og sterk vörn Hollendinga hélt. Japanar fengu þó sitt besta færi á síðustu mínútunni en skot þeirra úr fínni stöðu fór rétt yfir. Ibrahim Afelley kom inn á og fékk tvo dauðafæri en tókst ekki að skora. Niðurstaðan því 1-0 sigur Hollands sem er svo gott sem komið áfram upp úr riðlinum.