Slakir Englendingar komu Alsír á óvart

Þjálfari Alsír var undrandi á því hversu lélegt enska landsliðið var í leik þjóðanna í gær. Leiknum lauk með markalausu jafntefli sem hentar Alsír ágætlega. Þetta var fyrsta stigið sem þjóðin fékk í fjórum síðustu HM-leikjum. "Ég hélt að þeir yrðu betri en þetta. Ég veit ekki hvað gerðist og þjálfarinn þeirra þarf að svara því. Þeir voru ekki upp á sitt besta og áttu ekki góðan dag," sagði þjálfari liðsins, Rabah Saadane. "Við spiluðum okkar leik og eigum enn möguleika á því að komast áfram."