Alls ekki óþægilegt að sýna nærföt - myndir

Eins og sjá má á meðfylgjandi myndum, sem Halldór Kolbeins ljósmyndari tók, fór konukvöld Oliver fram með glæsibrag á laugardaginn.

Húsið var smekkfullt af hressum konum sem gæddu sér á kræsingum og kokteilum.

Þvílíkar drottningar sýndu föt frá tískuvöruversluninni Momo Laugavegi 42, Ég og Þú undirfataverslun Laugavegi og skart frá skartgripasmiðjunni Sign.

Snyrtiakademían sá um að farða og hárgreiðslustofan Kompaníið um

hár.

„Nei mér finnst alls ekki óþægilegt að sýna nærföt," svarar Guðrún Dögg Rúnarsdóttir ungfrú Ísland 2009 sem var ein af drottningunum sem sýndu undirföt spurð hvernig henni leið að spranga um á nærfötunum í kringum ókunnuga.

„Þetta var bara mjög gaman og það voru auðvitað bara konur þarna inni og engin ástæða til að vera feimin við það."

„Mér fannst skemmtilegt að hlusta á Heiðar elsku sem hélt stuðinu uppi og svo kom Auddi og dansaði þennan fína Michael Jackson dans sem var bara snilld."

„Bara allt kvöldið í heild sinni var frábært og rosa vel að þessu staðið," segir Guðrún Dögg.-elly@365.is