Umfjöllun: Selfyssingar stálu stigi á heimavelli

Selfoss og Stjarnan skildu jöfn, 2-2, í dramatískri viðureign í fjórðu umferð Pepsi-deildar karla í kvöld.

Heimamenn byrjuðu betur en Jón Guðbrandsson kom þeim yfir eftir þunga sókn þeirra um miðbik fyrri hálfleiksins. Boltinn barst út til Jóns eftir baráttu í teignum og hann afgreiddi knöttinn í netið með glæsilegu skoti.

En Stjörnumenn létu ekki bugast við þetta og tóku völdin í leiknum hægt og rólega. Steinþór Freyr Þorsteinsson átti möguleika að jafna metin þegar hann komst einn gegn markverði undir lok hálfleiksins en lét verja frá sér.

Hann gerði þó vel þegar hann skoraði með laglegum skalla eftir góða sendingu bakvarðarins Baldvins Sturlusonar á lokaandartökum fyrri hálfleiksins. Jöfnunarmarkið var verðskuldað en kom engu að síður á versta tíma fyrir heimamenn.

Stjörnumenn hertu tökin í upphafi síðari hálfleiks og voru einkar duglegir við að dæla boltanum inn á teig heimamanna. Það bar árangur á 58. mínútu þegar að Þorvaldur Árnason fékk sendingu inn í teiginn og skoraði með snyrtilegu skoti.

Tíu mínútum síðar komst svo Steinþór Freyr, sem átti þrátt fyrir allt góðan leik, í dauðafæri er hann var kominn einn gegn markverði heimamanna eftir góðan undirbúning Daníels Laxdals. Steinþór skaut þó yfir úr mjög góðri stöðu.

Aðeins tveimur mínútum síðar komust þó Selfyssingar í hraðaupphlaup sem átti eftir að enda með marki. Sævar Þór Gíslason var sloppinn í gegn og féll í teignum þegar hann reyndi að komast framhjá Bjarna Þórði Halldórssyni, markverði Stjörnunnar.

Erlendur Eiríksson dómari leiksins dæmdi umsvifalaust víti og sýndi Bjarna Þórði rauða spjaldið þrátt fyrir kröftug mótmæli þess síðarnefnda. Guðmundur Þórarinsson skoraði úr vítinu og jafnaði þar með metin.

Bæði lið fengu færi til að skora sigurmarkið. Stjörnumenn björguðu á línu frá Sævari Þór og sóttu svo sjálfir stíft að marki heimamanna á lokamínútunum, án árangurs þó.

Heimamenn geta því þakkað fyrir stigið sem þeir fengu á heimavelli í kvöld. Stjörnumenn voru einfaldlega betri lengst af í leiknum og en geta nagað sig í handarbökin að hafa ekki nýtt færin sín betur í leiknum.

Selfoss – Stjarnan 2-2

1-0 Jón Guðbrandsson (21.)

1-1 Steinþór Freyr Þorsteinsson (45.)

1-2 Þorvaldur Árnason (58.)

2-2 Guðmundur Þórarinsson, víti (70.)

Selfossvöllur. Áhorfendur: 1.020

Dómari: Erlendur Eiríksson (5)

Skot (á mark): 14–14 (9-8)

Varin skot: Jóhann 6 – Bjarni 5, Magnús 1

Hornspyrnur: 4–4

Aukaspyrnur fengnar: 10–18

Rangstöður: 0–5

Selfoss (4-4-2):

Jóhann Ólafur Sigurðsson 7

Sigurður Eyberg Guðlaugsson 6

Stefán Ragnar Guðlaugsson 7

Agnar Bragi Magnússon 6

Andri Freyr Björnsson 7

(74. Ingþór Jóhann Guðmundsson -)

Guðmundur Þórarinsson 5

Jón Guðbrandsson 5

Ingólfur Þórarinsson 4

(61. Einar Ottó Antonsson  5)

Jón Daði Böðvarsson 7

Arilíus Marteinsson 5

Sævar Þór Gíslason 6

Stjarnan (4-3-3):

Bjarni Þórður Halldórsson 6

Baldvin Sturluson 6

Tryggvi Bjarnason 6

Daníel Laxdal 7 – maður leiksins

Jóhann Laxdal 6

Dennis Danry 5

Atli  Jóhannsson 6

Þorvaldur Árnason 6

Steinþór Freyr Þorsteinsson 7

Halldór Orri Björnsson 6

Marel Baldvinsson 5

(70. Magnús Karl Pétursson 5)

Boltavakt Vísis og Fréttablaðsins var með beina lýsingu frá leiknum og hana má lesa hér: Selfoss - Stjarnan.