Öruggur sigur Íslands á Eistlendingum - Margrét Lára og Sara báðar með tvö

Íslenska kvennalandsliðið lauk leik með stæl í undanriðli sínum fyrir HM í Þýskalandi í dag. Það vann öruggan 0-5 sigur á Eistlendingum í Rakverem í dag.

Margrét Lára Viðarsdóttir skoraði fyrsta markið eftir góða sókn og hún bætti við öðru marki nokkrum mínútum síðar. Staðan 0-2 eftir sautján mínútur.

Á tveimur mínútum í seinni hálfleik skoraði Ísland svo tvö mörk, fyrst Sara Björk Gunnarsdóttir og svo Edda Garðarsdóttir.

Sara rak svo síðasta naglann í kistu Eista með marki á lokamínútunum.

Íslands lýkur því keppni með 24 stig af 30 mögulegum eftir tvö töp á móti Frökkum. Þeir eru efstir með fullt hús stiga vinni þeir Serba í kvöld, sem gera má ráð fyrir.

Margrét Lára var markahæst stelpnanna í riðlinum með tólf mörk, Hólmfríður Magnúsdóttir skoraði sjö og Katrín Jónsdóttir og Sara báðar sex mörk. Edda Garðarsdóttir skoraði þrjú, Rakel Logadóttir, Katrín Ómarsdóttir, Rakel Hönnudóttir og Dóra María Lárusdóttir eitt mark hver.

Lið Íslands í dag:

Markvörður:

Sandra Sigurðardóttir

Vörn:

Rakel Hönnudóttir

Katrín Jónsdóttir, fyrirliði (61. Fanndís Friðriksdóttir)

Sif Atladóttir

Ólína G. Viðarsdóttir

Miðja:

Dóra María Lárusdóttir

Edda Garðarsdóttir

Sara Björk Gunnarsdóttir

Hallbera Guðný Gísladóttir

Guðný Björk Óðinsdóttir (78. Harpa Þorsteinsdóttir)

Sókn:

Margrét Lára Viðarsdóttir (66. Berglind Björg Þorvaldsdóttir)