Húðflúraðasta hljómsveit landsins | Myndir

Um næstu helgi verður hin árlega tattúhátíð haldin á Sódómu Reykjavík.

Þetta er í fimmta sinn sem hátíðin er haldin og munu fjölmargir listamenn, bæði innlendir og erlendir húðflúrarar sýna listir sínar á daginn meðan á hátíðinni stendur.

Á kvöldin mun rokkið aftur á móti ráða ríkjum. Á meðal þeirra sem koma fram eru rokkararnir í Endless Dark. Þeir mættu í skemmtilegt viðtal í blaðinu Popp í Fréttablaðinu síðastliðinn föstudag þar sem farið var meðal annars yfir öll húðflúr hljómsveitarmeðlima.

Þeir sem koma einnig fram á föstudags- og laugardagskvöldi á tattúhátíðinni á Sódómu eru Cliff Clavin, Ultra Mega Technobandið Stefán og Hoffman. Tónleikarnir hefjast stundvíslega á miðnætti og miðaverð er 500 krónur við hurð.

Kíkið á húðflúrin á Endless Dark í myndasafninu fyrir neðan.