Glæsileg opnun Austur Steikhúss

Veitinga- og skemmtistaðarins Austur í Austurstræti gekk í endurnýjun lífdaga og opnaði aftur í gær sem Austur Steikhús. Eigendur fögnuðu þessu með glæsilegri veislu sem fjöldi góðra gesta sótti. Öll borð voru drekkhlaðin af kræsilegum réttum úr eldhúsinu og kokkteilarnir voru blandaðir á færibandi.

Matreiðsluteymið á Austri Steikhús er samansett af stjörnukokkum sem hafa starfað á Texture í London, Noma í Kaupmannahöfn, Grillinu, Lækjarbrekku og víðar. Þeir kynntu til sögunnar nýjan matseðil í gær þar sem viðarkolagrill er áberandi og yfirskriftin er "Fusion steikhús þar sem gætir franskra og japanskra áhrifa."

Sem fyrr leggur staðurinn áherslu á að þegar líður á kvöldið fer stemmningin í tjúttaðri átt.

Kíkið á myndasafnið úr veislunni hér fyrir neðan. Á heimasíðu Austur Steikhúss er einnig hægt að kynna sér matseðilinn nánar.