Capello bannar Vuvuzela-lúðra á hóteli enska liðsins

Fabio Capello, landsliðsþjálfari Englands, er ekki einn af þeim sem hefur gaman af Vuvuzela-lúðrunum sem tröllríða öllu á HM í Suður-Afríku þessa dagana.

Leikmenn enska landsliðsins verða lausir við þessi óhljóð utan vallar því Capello hefur séð til þess að bannað sé að blása í lúðrana á hóteli enska liðsins.

Capello brást illa við er hann frétti að hótelbarinn væri að gefa kúnnum sínum lúðra. Hann talaði við yfirmenn hótelsins og sá til þess að bannað er að blása í lúðrana á hótelinu.

Talsmaður lúxushótelsins segir að Englendingar séu þeirra aðalgestir og því hafi þeir orðið við óskum Capello.