Stórfurðulegur dómur í Ekvador - myndband

Deportivo Quito frá Ekvador mætti Internacional frá Brasilíu í Libertadores-bikarnum í Suður-Ameríku á dögunum. Á sjöundu mínútu leiksins sá dómari leiksins eitthvað sem enginn annar sá og benti á punktinn til merkis um vítaspyrnu.

Leikmenn brasilíska liðsins urðu skiljanlega æfir vegna þessarar óskiljanlegu ákvarðanar dómarans Jose Buitrago frá Kólumbíu.

Pato Abbondanzieri, markvörður Internacional, heimtaði að Buitrago myndi ráðfæra sig við aðstoðardómara sinn. Buitrago gerði það og leiðrétti aðstoðardómarinn þennan fáránlega dóm svo leikmenn Internacional gátu andað léttar.

Smelltu hér til að sjá myndband af atvikinu.