Fabio Capello ætlar að þjálfa enska landsliðið á EM 2012

Fabio Capello, þjálfari enska landsliðsins, ætlar að halda áfram með liðið fram að EM 2012. Ítalski þjálfarinn hefur beðið um að samningur sinn verði endurskrifaður þannig að ekkert verði af fyrirhuguðum fundi eftir HM þar sem átti að ákveða það hvort að hann myndi halda áfram með liðið eða ekki.

„Ég er með samning við enska sambandið og ég hætti ekki fyrr en þeir ákveða að reka mig," sagði Capello. „Ég elska þetta lið og þetta land en ég hugsa samt ekkert lengra en til HM. HM er mín framtíð í boltanum," sagði Capello.

Capello tók við enska landsliðinu árið 2008 af Steve McClaren eftir að liðinu mistókst að komast á EM 2008. Undir hans stjórn hefur enska landsliðið tekið stakkaskiptum og er að mörgum talið vera eitt það sigurstranglegasta á HM í Suður-Afríku í sumar.

„Það hefur verið ný reynsla fyrir mig að þjálfa landslið. Ég hef lært margt nýtt um hvað ég þarf að gera og hvernig sambandið á að vera milli leikmanna og þjálfarans. Nú er mikilvægur tími að ganga í garð. Ég átta mig alveg á pressunni og veit hversu mikla trú þjóðin hefur á þessu liði. Þetta er mjög spennandi tímar og ég er mjög einbeittur," sagði Fabio Capello.