Er mín fótósjoppuð til fjandans? - mynd

Segðu nú satt Tobba fórstu í lýtaaðgerð fyrir myndatökuna í Vikunni? „Neee engin lýtaaðgerð nema á la Haffi haff og Garðar einkaþjálfari," svarar Tobba Marinósdóttir sjónvarpsstjarna.

„Ég er búin að æfa stíft síðan í janúar byrjun. Haffi festi hárið á mér upp að aftan þannig að það virkaði eins og það væri styttra en það er og svo er þetta bara gott meik up. Annars hef ég ekki farið í neina lýtaaðgerð. Hef alltaf verið með stórar varir eins og mamma og systir mín," svarar Tobba einlæg.

Er mín þá fótósjoppuð til fjandans? „Ég bað Kalla ljósmyndara um að fótósjoppa ekki myndirnar mikið sérstaklega ekki þessar inn í blaðinu þar sem ég er á nærfötunum því ég vil vera með minn rass og læri. Fátt meira sexí er körví konur að mínu mati. Ekkert sexí við að vera vaxin eins og 12 ára strákur," segir hún.

„Annars lít ég bara svona út og fólki er velkomið að kíkja niður á Séð og Heyrt og sjá kellinguna læf," segir hún hlæjandi.-elly@365.is