GusGus á Nasa á morgun

GusGus verða með tónleika á Nasa annað kvöld. Tónleikarnir eru liður í tónleikadagskrá Reykjavík Fashion Festival. Ásamt GusGus koma fram Retro Stefson sem hélt eina eftirminnilegustu tónleika síðasta árs ásamt FM Belfast á Nasa og Gautaborgar-tvíeykið Air France sem hefur m.a. endurhljóðblandað sveitir á borð við Saint Etienne og vini Íslands í Friendly Fires.

Tónleikadagskrá Reykjavik Fashion Festival, sem fer fram í Reykjavíkurborg dagana 18.-21. mars, verður á NASA við Austurvöll og víðar. Ásamt GusGus koma fram á hátíðinni kanadíska tónlistarkonan Peaches, Bloodgroup, Sykur, Captain Fufanu og fleiri.

Miðasala á tónleikana er í fullum gangi á Miði.is.