Kvartaði yfir vináttunni

Orðrómur er uppi um að náin vinátta leikstjórans Sams Mendes og leikkonunnar Rebeccu Hall, sem lék í Vicky Cristina Barcelona, hafi valdið því að hjónaband hans og leikkonunnar Kate Winslet gliðnaði í sundur.

Mendes hélt því alltaf fram að hann og Hall væru bara góðir vinir en Winslet var á öðru máli. Mendes og Winslet tilkynntu óvænt um skilnað sinn fyrir skömmu eftir sjö ára hjónaband. Winslet er núna farin í frí til Mexíkó ásamt börnum sínum tveimur og leikkonunni Emmu Thompson.