Fyrirgefur ekki Mayer

Jessica Simpson er ekki tilbúin til að fyrirgefa John Mayer eftir að hann opinberaði smáatriði úr kynlífi þeirra í viðtali við tímaritið Playboy. Mayer talaði meðal annars um að hún væri algjör napalmbomba í rúminu og að fáar konur jöfnuðust á við hana.

Ekki slæmur dómur, en Simpson var allt annað en sátt þegar hún mætti í viðtal til Opruh Winfrey í gær. Henni finnst Mayer hafa svikið sig og segist ekki kæra sig um að nokkur viti hvernig hún er í rúminu. Hún sagði að Mayer hefði beðið hana afsökunar í pósti, en hún hefði ekki svarað honum.