Sacha í Eurovision

Það hlaut að koma að því að leiðir Sacha Barons Cohen – snillingsins að baki Ali G, Borats og Brüno – og Eurovision lægi saman. Frést hefur af nýrri kvikmynd sem fjallar um poppsöngvara sem keppir í Eurovision og fer Sacha með aðalhlutverkið.

Upphaflega stóð til að Sacha yrði í hlutverki austurrísku tískulöggunnar Brüno í myndinni, en nú ætlar Sacha að búa til algjörlega nýjan karakter fyrir verkefnið.

Myndin verður í sama „mock­umentary“-stílnum og Brüno- og Borat-myndirnar og er væntanleg árið 2011. Það er annars af kappanum að frétta að hann verður einn af mörgum sem veitir Óskarsverðlaun á sunnudaginn.