Úrúgvæ í undanúrslit eftir vítakeppni og ótrúlega dramatík

Eftir ótrúlega dramatík, tvö mögnuð mörk, framlengingu, víti og rautt spjald á lokasekúndum framlengingunnar og að lokum vítaspyrnukeppni komst Úrugvæ í undanúrslitin á HM eftir magnaða leik í kvöld.

Úrúgvæ byrjaði með látum og ætlaði greinilega að reyna að skora snemma. Þrátt fyrir fínar tilraunir tókst það ekki.

Gana komst meira og meira inn í leikinn og var betra heilt yfir í fyrri hálfleiknumn. Það fékk nokkur frábær færi til að skora en fyrsta markið kom ekki fyrr en með fyrsta skotinu sem hitti rammann.

Það átti Sulley Muntari af 35 metra færi, glæsimark sem kom rétt fyrir hálfleikinn. Úrugvæ var ekki lengi að jafna í seinni hálfleiknum, það gerði Diego Forlán með glæsilegu marki beint úr aukaspyrnu. Frábært mark en markmaðurinn hefði átt að gera betur.

Leikurinn fjaraði út og endaði með 1-1 jafntefli. Leikmenn voru bæði þreyttir og hræddir við að taka sem þýddi að framlengingin var tíðindalítil.

En þvílík dramatík á lokasekúndunni. Gana var í stórsókn og á endanum varði Luis Suarez með hendi á línunn eftir að hafa bjargað með fætinum þremur sekúndum áðuri. Víti dæmt, rautt spjald og dramatíkin allsráðandi.

120 mínútur á klukkunni og Asamoah Gyan tók vítið undir fáránlegri pressu. En Gyan klúðraði spyrnunni, skaut í slánna og allt ætlaði um koll að keyra í liði Úrugvæ. Suarez sá ekki eftir rauða spjaldinu sem hann fékk á þeim tímapunkti.

Hann labbaði grátandi af velli við spjaldið en hoppaði svo um allt þegar vítið fór í slánna.

Vítaspyrnukeppni niðurstaðan:

1-0: Diego Forlan skorar fyrir Úrugvæ

1-1: Asamoah Gyan skorar örugglega fyrir Gana. Þvílík spyrna!

2-1: Mauricio Victorino skorar örugglega fyrir Úrugvæ.

2-2: Stephen Appiah skorar fyrir Gana

3-2: Andrés Scotti skorar fyrir Úrugvæ

3-2: John Mensah skorar ekki, Néstor Muslera ver ömurlegt víti.

3-2: Maximiliano Pereira skaut himinhátt yfir!

3-2: Dominic Adiyiah lætur Nestorinn verja frá sér, vel varið.

4-2: Sebastian Abreu skorar örugglega, ótrtúlegt víti sem hann vippar í mitt markið!

Úrugvæ er því komið í undanúrslit eftir algjörlega fáránlegan leik.