Til heiðurs Deep Purple

Tvennir tónleikar til heiðurs rokksveitinni Deep Purple verða haldnir á Sódómu Reykjavík 17. og 18. febrúar. Eiríkur Hauksson verður söngvari og með honum á sviðinu verða Ingólfur Sigurðsson, Vignir Stefánsson, Jóhann Ásmundsson og Sigurgeir Sigmundsson. Þetta er í þriðja sinn sem Eiríkur, Jóhann og Sigurgeir halda þessa tónleika. Síðast var það árið 2004 og þá var fullt út úr dyrum bæði kvöldin og mikil stemning. Núna hefur verið bætt við lögum sem David Coverdale gerði ódauðleg með Purple, þar á meðal Mistreated og Stormbringer. Miðaverð á tónleikana er 1.500 krónur og fer miðasala fram á Midi.is.