Opið hús hjá Siggu Kling - myndband

Sigríður Klingenberg opnar heimilið sitt í dag, sunnudag, fyrir gestum og gangandi þar sem hún ætlar að selja dótið sitt.

„Föt, skartgripi, hatta, antíkmuni, indverska stóra hluti og allt mögulegt," svarar Sigríður aðspurð hvað verður til sölu.

„Þetta er allsherjar hreinsun og það verður fjör. Haffi haff kemur með búningana sína sem hann ætlar að selja og ýmislegt töff stöff sem hann á."

„Til þess að fá nýja orku inn þarf að hreyfa við orkunni og í dag ætla ég að selja íslenska merkjavöru fyrir lítið eins og föt eftir Birnu, Birtu, Maríu Lovísu og KVK."

„Beggi og Pacas mæta og Halla Himintungl, sem er ein magnaðasta spákona Íslands í dag. Halla er í stjörnuspeki og hefur unnið fyrir Stjörnuspekiskólann. Hún gerir gyðjugaldra og töfra. Þannig að við verðum tvær spákonur á svæðinu."

„Þetta er svo spennandi að geta farið inn í hús hjá kellu eins og mér og gramsað í dótinu og fengið súpu og svona."

„Þetta er heimasala inni hjá mér. Ég ætla að hafa ástarsúpu af því að það er konudagurinn og við ætlum að hafa gaman."

„Það eru allir velkomnir. Það er gott fyrir karlana að fara í óvissuferð með konurnar sínar og koma við hjá mér svo er aldrei að vita nema Klingenberg líti í lófa," segir Sigga spurð hvort konur eru eingöngu velkomnar.

„Það eru meira að segja konur frá Selfossi búnar að leigja sér herbergi í Reykjavík til að vera fyrstar því þær eru búnar að sjá dótið mitt sem ég er búin að sanka að mér um allan heim. "

Hvar býrðu? „Skólatúni 2 á Álftanesi. Það er stór kross á hurðinni og svo er um að gera að hringja bara í 118 því þeir vísa alltaf veginn." -elly@365.is