Börnin mættu með á útgáfutónleika Pollapönk

Hljómsveitin Pollapönk hélt útgáfutónleika í Salnum í Kópavogi. Tilefnið er ný barnaplata sveitarinnar, Meira Pollapönk, sem kom út í sumar við góðar undirtektir.

Pollapönk er skipuð leikskólakennurunum Haraldi F. Gíslasyni og Heiðari Erni Kristjánssyni sem slógu í gegn í rokksveitinni Botnleðju. Með þeim í hljómsveitinni er bróðir Haraldar, Arnar Þór Gíslason, og Guðni Finnsson, sem hafa báðir spilað með Ensími, Dr. Spock og fleiri kunnum sveitum.

Næsta kynslóð Pollapönkara. Lára Rúnarsdóttir (til vinstri), kona Arnars Þórs trommuleikara Pollapönks, ásamt dóttur þeirra Emblu Guðríði, og Sigríður Eir Guðmundsdóttir, kona Haraldar söngvara, ásamt dóttur þeirra, Hrönn.

Andri Júlíusson og Marta Ricart ásamt börnunum Elmari, Finni og Öldu.

Jón Guðmundsson og Tryggvi Þór Skúlason mættu á tónleikana.

Einar Atli Guðnason, Sigríður Ólafsdóttir, Ólafur Breki Guðnason, Hannes Friðbjarnarson, trommari í Buff, og sonur hans Baldvin Þór.

Feðgarnir Stefán Ingi Harðarson og Hörður Ingi Stefánsson.