Oprah var tekjuhæst

Sjónvarpskonan Oprah Winfrey var tekjuhæsta manneskjan í skemmtanabransanum árið 2010 með um 36 milljarða króna í tekjur. Í öðru sæti varð Avatar-leikstjórinn James Cameron með um 24 milljarða.

Söngkonan Beyoncé er tekjuhæsti tónlistarmaðurinn á listanum og í níunda sæti yfir heildina. Talið er að hún hafi þénað um tíu milljarða króna á síðustu tólf mánuðum. Þar á stærstan hlut tónleikaferð hennar um heiminn þar sem hún spilaði á yfir hundrað tónleikum. Skammt undan Beyoncé á listanum voru söngkonurnar Britney Spears og Lady Gaga.