Robinho segist hafi hafnað því að fara á láni til Barcelona

Brasilíumaðurinn Robinho, leikmaður Manchester City sem er nú á láni hjá Santos í heimalandi sínu, heldur því fram að hann hafi hafnað því að fara á láni til Barcelona og valið þess að fara heim til Santos.

Robinho er að vonast til þess að hann eigi nú meiri möguleika á að komast í brasilíska landsliðið á HM í sumar þegar hann er kominn heim til æskufélagsins síns í Sao Paulo.

„Ég fékk tilboð frá Barcelona," sagði Robinho í viðtali við útvarpsstöðina Radio Globo.

„Fyrst vildu þeir kaupa mig en Manchester City vildi ekki selja mig," segir Robinho.

„Þegar það gekk ekki eftir vildu þeir fá mig á láni en það hefði ekki verið gott fyrir mig að rífa upp alla fjölskylduna, finna nýtt hús og vera þar síðan bara í sex mánuði," sagði Robinho sem hefur byrjað vel með Santos og skoraði meðal annars tvö mörk í fyrsta heimaleiknum.