Messi og Mourinho græða mest

Argentínumaðurinn Lionel Messi er búinn að moka David Beckham úr efsta sætinu yfir þá knattspyrnumenn sem fá hæstar tekjur.

Messi er að fá tæplega 30 milljónir punda í tekjur á ári en í þeirri tölu eru laun, bónusar og aðrar tekjur utan vallar. Beckham og Ronaldo koma rétt á eftir en þessir þrír eru í algjörum sérflokki á tekjulistanum.

Það var bónus upp á 3,6 milljónir punda sem lyfti Messi yfir Beckham á listanum þetta árið.

Messi er í fjórða sæti yfur tekjuhæstu íþróttamenn heims. Hann er þar á eftir Tiger Woods, Phil Mickelson og LeBron James.

Ríkustu knattspyrnumennirnir - tekjur í milljónum punda

1. Lionel Messi - 29,6

2. David Beckham - 27,3

3. Cristiano Ronaldo - 27

4. Kaká - 16,9

5. Thierry Henry - 16,1

6. Ronaldinho - 15,5

7. Carlos Tevez - 13,8

8. Zlatan Ibrahimovic - 13

9. Frank Lampard - 12,8

10. Samuel Eto´o - 12,4

Ríkustu þjálfararnir - tekjur í milljónum punda

1. Jose Mourinho - 11,7

2. Roberto Mancini - 10,8

3. Luiz Felipe Scolari - 8,5

4. Jurgen Klinsmann - 8,1

5. Fabio Capello - 7,5

6. Guus Hiddink - 7,1

7. Sir Alex Ferguson - 6,5

8. Pep Guardiola - 5,8

9. Arsene Wenger - 5,7

10. Louis Van Gaal - 5,4