Bullock getur ekki fyrirgefið framhjáhaldið

Óskarsverðlaunahafinn Sandra Bullock hefur sagt vinum sínum að það sé enginn möguleiki á að hjónabandi hennar og Jesse James verði bjargað. Tímaritið OK segir að leikkonan telji að hún geti ekki treyst Jesse nógu mikið til að grundvöllur sé fyrir framhaldi á sambandi þeirra. Jesse hélt framhjá Bullock með lítt þekktri sýningarstúlku.

Bullock er miður sín yfir því að þurfa að segja skilið við sex ára gamla dóttur James úr fyrra sambandi hans. Sögusagnir eru um að Bullock muni jafnvel krefjast forræðis yfir stelpunni ef og þegar að skilnaðurinn verður frágenginn.

Litla stelpan, sem heitir Sunny, hefur búið með Söndru og Jesse frá því að móðir hennar, klámmyndaleikkonan Janine Lindemulder, var handtekin fyrir skattalagabrot árið 2008.