Bolur Adebayor ekki talinn við hæfi

Emmanuel Adebayor, sóknarmaður Manchester City, skellti sér á tónleika með rapparanum 50 Cent sem fram fóru í Manchester á fimmtudagskvöld.

Hann hefur verið gagnrýndur talsvert fyrir bolinn sem hann klæddist á tónleikunum.

Framan á dökkgráum bolnum var mynd af byssu. Er þetta ekki talið við hæfi þar sem þessi fyrirliði landsliðs Tógó lenti í óskemmtilegri lífsreynslu með félögum sínum á Afríkumótinu fyrr á árinu.

Rúta landsliðs Tógó varð fyrir skotárás frá angólskum skæruliðum með þeim afleiðingum að þrír létust. Adebayor slapp ómeiddur frá árásinni.