Buffon á batavegi

Gianluigi Buffon, landsliðsmarkvörður Ítalíu, er bjartsýnn á að hann verði klár í slaginn í sextán liða úrslitum HM fari svo að Ítalíu komust upp úr riðlinum.

Buffon meiddist í fyrsta leiknum gegn Paragvæ og spilaði ekki næsta leik á eftir. Hann mun ekki heldur spila gegn Slóvökum á morgun.

"Ég vil ekki blekkja sjálfan mig en mér líður miklu betur bæði á líkama og sál. Ég varð mjög þungur eftir að ég meiddist en er farinn að brosa á nýjan leik," sagði Buffon.

"Vonandi verður batinn áfram góður og ef fram heldur sem horfir verð ég klár í slaginn þegar 16-liða úrslitin byrja. Það er draumur minn núna sem ég trúi á."