Tíu bestu leikmennirnir sem munu missa af HM í sumar

Netmiðillinn Goal.com hefur tekið saman tíu bestu fótboltamennina sem verða ekki með á HM í sumar þrátt fyrir að þjóð þeirra hafi tryggt sér þátttökurétt í úrslitakeppninni sem fer fram í Suður-Afríku.

Í dag voru einmitt hundrað dagar þar til að Suður-Afríka og Mexíkó leika opnunarleikinn 1. júní næstkomandi.

Á listanum eru meðal annars þrír leikmenn AC Milan en listinn er byggður upp á leikmönnum sem eru bæði að berjast við meiðsli sem og að fá tækifæri hjá sínum landsliðsþjálfurum.

Leikmennirnir eru:

10. sæti Pepe, miðvörður Real Madrid (Portúgal)

- sleit krossbönd í desember og verður ekki búinn að ná sér.

9. sæti Raul, framherji Real Madrid (Spánn)

- markahæsti leikmaður Spánar en hefur ekki spilað með landsliðinu síðan í september 2006.

8. sæti Sebastien Frey, markvörður Fiorentina (Frakkland)

- gefur ekki kost á sér í landsliðið eftir að hafa fengið engin tækifæri en þykir vera einn besti markvörður ítölsku deildarinnar.

7. sæti Ashley Cole, bakvörður Chelsea (England)

- ökklabrotnaði á dögunum og verður frá í þrjá mánuði og jafnvel lengur.

6. sæti Antonio Cassano, framherji Sampdoria (Ítalía)

- er ekki í náðinni hjá landsliðsþjálfaranum Marcello Lippi.

5. sæti Clarence Seedorf, miðjumaður AC Milan (Holland)

- hefur ekki spilað með landsliðinu síðan í maí 2008 þegar hann ákvað að gefa ekki kost á sér lengur í landsliðið.

4. sæti Juan Roman Riquelme, miðjumaður Boca Juniors (Argentínu)

- hætti í landsliðið á sínum tíma og er auk þess langt í frá að vera besti vinur þjálfarans Diego Maradona enda hafa þeir skotið vel á hvorn annan í argentínskum fjölmiðlum.

3. sæti Ronaldo, framherji Corinthians (Brasilía)

- hefur ekki náð að sannfæra þjálfarann Carlos Dunga að hann sé enn í landsliðsklassa en er þó enn "bara" 33 ára gamall og vel nothæfur ef hann er í formi.

2. sæti Alessandro Nesta, miðvörður AC Milan (Ítalía)

- hætti í landsliðinu eftir HM 2006 og hefur ekki viljað gefa kost á sér aftur þrátt fyrir mikla pressu á Ítalíu.

1. sæti Ronaldinho, framherji AC Milan (Brasilía)

- missti sæti sitt í landsliðinu meðan hann gat ekkert með AC Milan en hefur ekki fengið tækifæri þrátt fyrir frábæra frammistöðu með AC Milan í vetur.