Ljóðaslammi lokið

Borgarbókasafn Reykjavíkur hélt keppni í ljóðaslammi þriðja árið í röð á Safnanótt á föstudaginn. Þema kvöldsins var væmni. Sautján ungmenni á aldrinum 15 til 22 ára tóku þátt að þessu sinni með átta atriði, sumir stigu einir á stokk en aðrir í hópum.

Sigurvegari kvöldsins var tríóið Greitt til hliðar plús tveir, en meðlimir þess eru þrír menntskælingar. Í öðru sæti var kvartettinn Íslenska hljómsveitin með „Íslenska lagið“. Í þriðja sæti var Atli Rúnar Bender, en hann flutti ljóðabálk með myndasýningu.

Upptökur af siguratriðunum þremur verða settar á Bókmenntavefinn, bokmenntir.is, og á vef ljóðaslammsins, ljodaslamm.is, fljótlega ásamt ljósmyndum Hildar Ernu Sigurjónsdóttur frá kepnninni. - drg