Vill afnema boðsferðir í Elliðaánum

Þorleifur Gunnlaugsson, borgarfulltrúi Vinstri Grænna, lagði fram tillögu fyrir stjórn Orkuveitu Reykjavíkur í dag, þess efnis að Orkuveitan hætti að bjóða völdum sveitarstjórnarmönnum og embættismönnum til laxveiða Í Elliðaánum.

Stjórn OR afhendi þess í stað Stangaveiðifélagi Reykjavíkur umrædda daga til sölu og verði farið með þau leifi í samræmi við aðra veiðileifaúthlutun í ánum, samkvæmt því samkomulagi sem nú gildir á milli OR og Stangaveiðifélags Reykjavíkur.

Fram kom í svari við fyrirspurn fulltrúa VG að Orkuveita Reykjavíkur tekur frá eina viku i Elliðaánum fyrir Borgarfulltrúa, fyrrverandi borgarstjóra , nokkra embættismenn borgarinnar, bæjar- og sveitarstjóra sveitarfélaga á veitusvæði OR, stjórn og æðstu stjórnendum OR, fyrrverandi stjórnendum OR og nokkrum sviðsstjórum OR.

Einnig kom fram að þessi siður sé arfleifð frá borgarstjóratíð Geirs Hallgrímssonar, og kostnaður á þessu ári sé metinn á þriðju milljón króna.

Þorleifur segir „tímabært að afnema þennan sið og þó fyrr hefði verið, þó ekki væri nema vegna slæmrar fjárhagstöðu Orkuveitunnar þar sem leitað er allra leiða til sparnaðar.

Á það er einnig bent að margir efnaminni veiðimenn veiða í Elliðaánum þar sem boðið er upp á ½ daga. Þannig eru árnar eina laxveiðiáin sem fjöldi veiðimanna nýta sér og því óvinsælt að Orkuveitan taki frá fyrir sig og sína heila viku á besta tíma sumarsins."